तातोपानी नाकामा तीन किलो सुन भेटियो

काठमाडौ, पुस १ - तातोपानी नाकाको नेपाल-चीन सीमानाको मितेरी पुलमा अन्दाजी तीन किलो सुन भेटिएको छ । आइतबार बिहान साढे ११ बजे उक्त सुन चेकजाँचका क्रममा भेटिएको हो ।

नाकामा प्रहरीले नियमित चेकजाँच गर्ने क्रममा भीडभाडमा सुन भेटिएको बताइएको छ । सुराकीका आधारमा प्रहरीले सुरक्षा निगरानी कडा पारेपछि कसैले सुन फालेका हुन सक्ने अनुमान गरिएको छ ।

प्रहरीले निगरानी बढाएको थाहा पाएपछि भरियाहरुले उक्त सुन फालेको हुनसक्ने सशस्त्र प्रहरीका एसपी कमल गिरीले बताए । उनले भने, 'नाकाबाट आएका भरियाहरुले चेकजाँच हुँदा सुन फालेर भोगेको हुनपर्छ ।' कसले सुन फालेको हो अहिले त्यहाँ अनुसन्धान भइरहेको बताइएको छ ।